Аблялимова Ваде «Фотосуретлер»

Аблялимова Ваде (Къурман районы МБУМ "Калинино мектеби" 8 сыныф талебеси)

Эски фотосуретлер бизим къорантамызда муим ер алалар. Къоранта азалары эдждатларымызнынъ хатырасыны къайгъырып сакълайлар.Мен бунен пек гъурурланам!

Бизим къорантамыздаки пек аджайип адет – аиле дегерликлерини сакъламакътыр.

«Фотосуретлер»

Неге аиле дегерликлери дейлер?

«Аиле дегерликлери – бу къорантагъа аит олгъан ве несильден несильге кечкен весикъалар, шейлердир,» - деди анам. «Бу адий шей дегиль. Бу сакъланылгъан шей кечмиш акъкъында, хатыра киби, къорантанынъ тарихыны ачыкълай,» - деп, къошты бабам.

Бойле дегерликлер бизим къорантамызда да бар. Бу къартбабамнынъ ве битамнынъ эски ве сараргъан фотосуретлердир. Эски фотосуретлерде олар гузель ве яшлар.

1935 c.

Бизим фотоальбомда бу энъ эски фотосурет.Мында къартбабамнынъ сою тасвирленген. Онынъ ады Абхаир эди.

1939 c.

Бу фотосурет 1939 сенеси Акъяр шеэринде чыкъарылды. Мында Абдулгъани къартбабам озь Мансур ве Рамазан къардашларынен  ордуда хызмет эткен вакътында фоторесимге чыкътылар.

Абдулгъани къартбабам 1913 сенеси, Урие битам исе 1927 сенеси Эски Къырымда догъдылар. Олар къомшу эдилер. 

Къоркъунчлы 1944 сенеси сюргюнлик вакътында  Уралгъа тюштилер. Бизим халкъымыз ичюн бу пек агъыр куньлер эди.

1946 c.

Бу фотосурет Уралда 1946 сенеси чыкъарылды. Мында Урие битам озь достларынен .

1947 c.

Урие битам ортада тура. Ашагъыда сол тарафтан биринджи онынъ агъасы Къуртасан.

девамы презентацияда ->>https://docs.google.com/presentation/d/1aymhen8f5rBxRTVYEtRcsyaGP_yq0jsKbNk-8o0WThg/edit#slide=id.p3