Акъмесджит шеэри 1-джи санлы гимназиянынъ 3 сыныф талебелери
Суфьянова Эдие ве Суфьянов Эдем
Биз, Эдем ве
Эдие, секиз яшындамыз, Акъмесджит шеэрининъ 1-джи гимназиянынъ учюнджи сыныф талебелермиз.
Бу презентацияда озь аилемизнинъ дегерилигинен таныштырмакъ истейимиз.
Эдие къартбитамыз озю нагъышлагъан явлукълар, эльбезлер,
ястыкъ устьлери, марамалар - бизим аилемизде къыйметли дегерликлери сайыла
Къартбита 1927 сенесинде Буюк Озенбаш коюнде дюньягъа
кельди. Озь къорантасынен 1944 сенесинде сюргюнликке огърайлар,
Озьбекистаннынъ Андижан виляетине, бир колхозгъа
келип тюшелер. 1946 сене мартнынъ
6-да къартбитам ве Осман къарт
дедем эвленелер. Шимди бизим Эдие
къартбитамыз Багъчасарай районынынъ
Албат коюнде яшамакъта.
О, 5
баланынъ анасы, 16 торуны ве 25 торундан
торун саиби ! (оларнынъ арасында биз экимиз де бармыз).
Къартбитамыз балалыкътан,
даа Къырымдан чыкъмаздан эвель оя, гурджюва токъуп башлагъан, буны онъа буюк таталары
огреткенлер. Сонъра, о, нагъышнен де огърашкъан.
Бу мараманы къартбитам эки уджунда ренкли йиплернен
нагъышлагъан ве гырджюванен безетильген. Бу эль ишлемеси ойле назик, дюльбер
ишленген ки, бакъып тоймайсынъ. Биз де бу мараманы аилемизде сакъларымыз,
къысмет олса несильден - несильге кечип аилемизде хазине олып къалыр.
Комментариев нет:
Отправить комментарий