Арифов Девлет «Весие битамнынъ Къураны»

Арифов Девлет Буюк Сюрень кою I-II басамакълы мектепнинъ

5 сыныф талебеси

«Весие битамнынъ Къураны»

Мен Буюк Сюрень коюнде яшайым,5-джи сыныфта окъуйым.

Айле дегерликлери  конкурс отькерильгенини эшитип, рахметли къарт битамы эследим. 

Зульфие Битам пек аджайип, мерхаметли ве Ватаныны севген адам эди. Къартбитам  озюнинъ узун (о 88 йыл яшады) омюринде пек чокъ вакъилар корьди. Рахметли къартбабам (анамнынъ къартбабасы) Бекир къартбаба дженкте иштирак этти. Къартбитам, саба намазыны къылгъанда, къапыны такъылдаталар, яваштан къапыны ачса, босагъада тургъан учь адамны коре. Олардан бириси ярым саатте азырланмакъны эмир эте. Къартбитам бир шей анъламай, шаша. О, башта Къуранны къолуна алып,багърына баса.

Рахметли къартбитам балаларынен Ташкент виляетининъ «Дурмень»  адына совхозда 10 йыл яшай, сонъра исе Краснодар улькесине кочелер.

1989 сенеси къарт апчем озь ана-Ватанына къайта.

Бутюн выкъыт бу Къуран меним къартбитамда  сакъланды. Рахмет олсун, къартбитам 1996сенеси кечинди. Къуран меним Весие битама кечти, шимди исе анамда сакълана. Меним Весие Битам  Къуран окъуй, онынъ янъы Къураны да бар,  амма о онанъа мирас къалгъан бу эски Къуранны окъумагъа пек севе.

Рахметли  къартбитам эр даим Къуран ве дуалар окъуй эди, о мерхаметли ве аджайип инсан эди. О меним хатырамда омюримнинъ сонъуна къадар къаладжакъ.