«Дегирмен»
Дегирмен
– тюркий бир сёздир. Тёгерек этрафында айланмакъ манасыны бере.
Дегирмен,
эр кеске белли олгъаны киби,халкъымыз тарафындан пек севильген ве кутюльген
адетлерден бири олгъан «къаве ичме» адетининъ айырылмаз бир къысмыдыр.
Къорантамызда
сакъланып къалгъан дегирменни меним битама
онынъ къайнанасы Наджие бита берген олса, онъа да онынъ къайнанасы Анифе
бита берген.
Къыскъасы,
бу дегирменни къартбабамнынъ къартдедеси Багъчасарай усталарындан сатын алгъан.
Бу акъта меним Сейт-Осман къартбабам айтып берди.
Эльбет
де, бу дегирмен Наджие бита ичюн пек муим ве къыйметли эшья олмалыдыр, чюнки
1944 сенеси сюргюн этиледжекте ве алель-аджеле бир шейлер топлагъанда бу
дегирменни де янына ала. Амма къартбабам: «О санъа не керек? Къайда кетеджегинъ
белли дегиль, къавени къаерде чекип ичеджексинъ? Керек шейни ал», - деп оны
четке ташлай. Битам исе: «Пешмалымнынъ арасына алып сакъладым», - деп хатыр
лагъаныны анам айта.
Дегирмен
оларнен берабер Уралгъа, сонъ Озьбекистангъа бара ве, ниает, 1989 сенеси,
Къырымгъа къайтып келе.
Дегирменимиз
эвде къулланылгъан адий бир эшья олса биле, бизге пек чокъ шей акъкъында икяе
этмеге имкян берди. Даа нелер-нелер айтмасы мумкюн эди, лякин тедкъикъ эснасында
эски заманларда насыл усталар олгъаны, насыл дегирменлер япылгъаны, оларнынъ
технологиясы, о технологияларнынъ Къырымгъа келип чыкъув тарихы, устюни сюслеген
орьнеклер акъкъында малюматлар тапылмады.
Бу
дегирменнинъ къыймети бизим аиле ичюн пек муимдир Бу бизим келеджегимиз ичюн
керектир, чюнки тек кечмишимизни огренерек, сагълам келеджегимизни къурмакъ
мумкюн.
Комментариев нет:
Отправить комментарий