Гафаров Айдер «Билемиз! Унутмаймыз! Сакълармыз!»

Гафаров Айдер

Сарыбаш умумтасиль мектебининъ 7 сыныф  талебеси  

«Билемиз! Унутмаймыз! Сакълармыз!»

Айле дегерликлери – бу эски шейлер дегиль де – бу меним баба-деделеримнинъ тарихы.

Меним боюн-борджум бу тарихий асабалыкъларымызны сакълап, яш, келеджек несилимизге косьтерип анълатмакътыр.

Бу айле дегерликлери бизим къорантамызгъа анамнынъ къартанасындан  къалдылар. Къартанамыз, Ваде Къурнеби къызы, 1870с. Къарасувбазарда догъды. Бу шейлер сюргюнликтен кечип, Ана топрагъымызгъа къайттылар. Аилемизнинъ урф-адети - бу дегерликлерни къорчалап сакъламакътыр.

Бу кисетни къартанамыз озю тикип, орьнеклерни исе, алтын йиплернен нагъышлады.

Дуалар эвель къырымтатарларнынъ орьнеклернен нагъышлангъан. Бойле дуалар баба-деделеримизни яман козьден,шейтанлардан къорчалап, бизим кунюмизге къадар сакъланылып кельдилер

Эвель-эзельден дивар килими ерине, яш келин эвини озю нагъышлангъан безлеринен яраштыра эди.

Мусульман къадынлары намаз къылгъанда, Къуран, дуалар окъугъанда башларыны мараманен орьте эдилер. Бу мараманы Ваде къартана озю нагъышлап, ибадеблерини къылгъанда башыны орьте эди.

Айле дегерликлери – бу эски шейлер дегиль де – бу меним баба-деделеримнинъ тарихы.

Меним боюн-борджум бу тарихий асабалыкъларымызны сакълап, яш, келеджек несилимизге косьтерип анълатмакътыр.

Айле дегерликлери – бу хатырамызнынъ сёнмез чырачыкъларыдыр.

Йыллар кечер, девирлер кечсин келеджек несилимиз исе: «Билемиз! Унутмаймыз! Сакълармыз!» айтсын.